O golfista coruñés Ignacio Mateo, logra en Portugal o seu primeiro triunfo como profesional
Proclamouse campión da Taça Joaquim Oliveira do circuíto portugués de PGA
Foi o primeiro xogador que gaña este torneo sen nacer no país veciño
O golfista nado no ano 2001 conseguiu levantar o seu primeiro título profesional tras proclamarse campión da Taça Joaquim Oliveira do circuíto portugués de PGA (Professional Golf Association).
“Volvín á casa o sábado pola noite e xa vin todos os meus adestradores e a miña familia. Foi un pouco tolo o volver e celebralo coa xente próxima, pero estou moi contento”, afirma.
Ignacio chegou á Taça Joaquim Oliveira co obxectivo de valorar o seu nivel tras unha longa pretemporada de varios meses. Coa mente máis posta en torneos posteriores, desprazouse ata o país veciño, onde competiu contra xogadores locais, así como españois e ingleses.
De feito, o coruñés foi o primeiro xogador que gaña este torneo sen nacer no país luso. Ignacio Mateo xa ten a mirada posta no Sunshine Tour surafricano.
