O Goberno valora o acordo de Santiago, pero lembra que hai que buscar o consenso

O Goberno valora positivamente o encontro de Santiago, pero lembra que a reforma do sistema de financiamento ten que facerse por consenso e que iso implicará entenderse tamén co resto de comunidades.

A voceira do executivo, Isabel Rodríguez, dixo que "valoramos positivamente que houbera presidentes de comunidades autónomas que manifestan cales son as singularidades deses territorios. Agora ben, deben poñerse de acordo con aqueles outros territorios que teñen diferentes circunstancias".