O Goberno pretende aprobar o martes o decreto anticrise, segundo Yolanda Díaz

A vicepresidenta segunda e ministra de Traballo Yolanda Díaz asegurou que o Goberno está a traballar coa idea de aprobar no Consello de Ministros do próximo martes o decreto lei co paquete de medidas anticrise para mitigar o impacto da guerra contra Irán.

En declaracións a TVE, a vicepresidenta quixo dar unha mensaxe de tranquilidade porque as medidas incluídas no decreto lei entrarían inmediatamente en vigor coa publicación da norma no Boletín Oficial do Estado (BOE), que normalmente ocorre o día despois do Consello de Ministros.

Segundo dixo, as medidas prioritarias que debe incluír son controlar o prezo da enerxía e que non se despida a ninguén, mentres que para protexer a cidadanía habería que actuar fronte aos desafiuzamentos e conxelar arrendamentos.