O Goberno comprométese a facer "todo o posible" para que o fillo de Juana Rivas non teña que volver co seu pai

"Un maltratador nunca será un bo pai. Desde o Goberno de España estamos a carón de Juana Rivas e os seus dous fillos. Imos facer todo o posible para que Daniel non teña que regresar a un clima de violencia", sinalou Yolanda Díaz nunha mensaxe na rede social X.

Un maltratador nunca será un buen padre.

Desde el Gobierno de España estamos al lado de Juana Rivas y sus dos hijos. Vamos a hacer todo lo posible para que Daniel no tenga que regresar a un clima de violencia.https://t.co/PXYRAGPuXF

— Yolanda Díaz (@Yolanda_Diaz_) January 7, 2025

Pola súa banda, a ministra de Xuventude e Infancia, Sira Rego, mostrouse "preocupada" pola seguridade do fillo de Juana Rivas, xa que segundo dixo en X escoitouno dicir que "moitas veces pensa que vai morrer". "O seu testemuño é desgarrador. Eu créollo", asegurou.

Así mesmo, Rego dixo que desde o departamento que dirixe están "en estreito contacto" coa representación legal da familia de Juana Rivas e os seus fillos para facer "todo" o que está ao seu alcance "para asegurar o dereito de Daniel a ser escoitado e protexido".

Desde @JuventudInfGob estamos en estrecho contacto con la representación legal de la familia de Juana Rivas y sus hijos para hacer todo lo que está a nuestro alcance para asegurar el derecho de Daniel a ser escuchado y protegido.

— Sira Rego 🔻 (@sirarego) January 7, 2025

"É importante que todos os poderes públicos apoien e fagan efectivo o dereito das nenas e os nenos para ser escoitados, tal como prescriben a Lei de protección do menor e a LOPIVI", subliñou a ministra.

A representación legal de Juana Rivas, condenada a prisión pola subtracción dos seus dous fillos menores no verán de 2017 e obxecto dun indulto parcial por parte do Goberno de España, pediu este martes na Fiscalía Provincial medidas de protección internacional para o seu fillo menor, a fin de que non volva co seu pai tras o período de vacacións do Nadal en España.

Fíxoo despois de que o Xulgado de Primeira Instancia número 10 de Granada se inhibise en favor do de Violencia sobre a Muller número 2, ao solicitarlle medidas cautelares para que o menor non viaxe. Esta abstención para tratar o caso debeuse á existencia no segundo xulgado dun procedemento xudicial aberto por mor dunha demanda de violencia de xénero presentada pola nai contra o proxenitor, o italiano Francesco Arcuri

Ademais, estes últimos días moitas feministas mobilizáronse en redes sociais co cancelo #SalvarADaniel e #Danielsequeda para evitar que o menor regrese co seu proxenitor.

Neste sentido, a exministra de Igualdade, Irene Montero, sinalou nunha mensaxe en X que "a xustiza e o Goberno deben cumprir a lei e actuar para protexer a Daniel". "Todas as institucións están obrigadas a garantir os dereitos da infancia e a actuar fronte á violencia machista. Un maltratador nunca é un bo pai", afirmou.

La justicia y el Gobierno deben cumplir la ley y actuar para proteger a Daniel

Todas las instituciones están obligadas a garantizar los derechos de la infancia y a actuar frente a la violencia machista. Un maltratador nunca es un buen padre#DanielSeQueda #DanielConJuana pic.twitter.com/3iPGFzD076

— Irene Montero (@IreneMontero) January 6, 2025

Tamén a exdelegada do Goberno contra a Violencia de Xénero, Victoria Rossell, explicou que, segundo a Garda Civil, o seu caso atópase "nun risco alto e de especial relevancia" dentro do Sistema VioGén e que este risco aumenta por denunciar xa o neno o seu pai.

Daniel con 10 años ha denunciado a su padre por maltrato. La Guardia Civil ha valorado en VIOGEN su riesgo como alto con especial relevancia.
España ya ha tenido que asumir su responsabilidad por no haber protegido a tres niñas asesinadas por #ViolenciaVicaria #SalvarADaniel pic.twitter.com/UShv5vzAH1

— Mª Victoria Rosell Aguilar (@VickyRosell) January 6, 2025

"A súa vida está nas nosas mans. Por favor, salvemos a Daniel", expuxo nun vídeo que difundiu en X.