O Espiñedo dita o futuro de Idiakez

Imanol Idiakez volve afrontar un encontro a cara ou cruz. Neste caso, o Deportivo mídese co Arenteiro para pechar o ano. Unha cita á que o técnico chega cuestionado despois do empate en casa fronte ao Sestao.

"O Dépor non logra o que quere, vós decides que me van botar. Será unha posibilidade. Eu vou loitar ata o final".

O conxunto branco e azul acusa aínda as baixas de Barbero e de Ximo Navarro e podería recuperar a Pablo Muñoz; ademais de Pablo Martínez, unha vez cumprida a súa sanción.

O partido pode seguirse o domingo en directo na G2 e no enlace eventos.crtvg.gal