O Deportivo Abanca deberá remontar en Abegondo para ascender (2-0)

O Granada tomou vantaxe na eliminatoria definitiva polo ascenso a Primeira División nun final de partido aciago para o Deportivo Abanca. Un gol de Lauri no minuto 87 deulle a vantaxe ao equipo andaluz e outro de Pamela no 95 ampliou a súa vantaxe. As andaluzas foron superiores, sobre todo no segundo tempo, e contra o final recolleron o seu premio. O Deportivo limitouse a defender e non inquedou a meta do Granada durante os 90 minutos.

O equipo de Irene Ferreras terá que remontar o vindeiro sábado en Abegondo, nun partido que poderán ver na G2.