O Dépor feminino non afrouxa e golea en Santander

Na segunda división do fútbol feminino, non afrouxan os candidatos ao ascenso. Todos gañaron.

Así que cobra máis importancia a vitoria do Deportivo Abanca, que segue de segundo a dous puntos do liderado.

As coruñesas venceron en Santander, nun partido que se puxo moi de cara con dous erros defensivos que aproveitaron María Ruiz e Ainhoa Marín para establecer o 0 a 2. Despois chegaría o gol de Aroa Guerra, aproveitando un rexeitamento. E pecharía o 0 a 4 María Ruíz co segundo na súa conta persoal.