O Coruxo derrota o Pontevedra cun gol de Luismi

O Coruxo e o Pontevedra seguen engadindo carga de traballo á pretemporada e, desta volta, aproveitaron para xogar un amigable no campo do equipo vigués que gañou por 1-0.

Antonio aproveitou para probar a xogadores como Derik ou Mario Ortiz que teñen que ir entrando na dinámica do equipo. O primeiro tempo foi equilibrado, con máis ocasións para o Pontevedra pero no que Luismi marcou o único gol do partido no minuto 29. 

O segundo tempo foi o dos remates aos postes. Dous do Pontevedra e un do Coruxo que malgastou varias situacións claras diante da portería visitante.