O Concello de Santiago sacará unha guía para que os peregrinos deixen de acampar na zona vella

Que a acampada libre nas zonas urbanas é un práctica que está prohibida sucede en Santiago e en calquera outra parte do mundo.

Porén, hai quen segue querendo montar a tenda a poucos metros da praza do Obradoiro.

O último intento foi nos arredores de San Martiño Pinario.

Foron os veciños os que chamaron de inmediato a policía.

Tema que xa chega a preocupar o Concello de Santiago, e por iso vai elaborar unha guía de boas prácticas para prever este tipo de situacións.

Ten previsto distribuíla en diferentes puntos da cidade, oficinas turísticas e albergues.

Unha guía coa que a xente saiba a onde chega, que esta é unha cidade Patrimonio da Humanidade, onde hai que manter a convivencia coa xente que vive e traballa aquí.