O Celta xa coñece os horarios das tres primeiras xornadas de Liga

O Celta xa coñece os horarios das tres primeiras xornadas do campionato. Deunos a coñecer La Liga e o cadro celeste debutará en Vigo o sábado 13 de agosto ás 17.00 horas ante o Espanyol. A segunda xornada tamén a vai xogar como local, ante o Real Madrid. Será tamén un sábado (20 de agosto) ás 22.00 horas. Para concluír, terá o primeiro partido da temporada en venres na terceira tirada do campionato. Enfrontarase ao Xirona en Montilivi ás 20.00 horas.