O Celta lamenta a oportunidade perdida de lograr o primeiro triunfo

Paciencia foi unha das catro novidades que presentou Coudet na aliñación titular xunto con Marchesín, Unai Núñez e Óscar Rodríguez, un 36 por cento do total do equipo. Eso fixo que se vira de inicio un Celta pouco cohesionado, incómodo ante un Español que asustou no primeiro tempo. 

Sorte para o conxunto celeste que sempre aparece Iago Aspas. Leva nove goles nos cinco partidos disputados desde que comezaron os adestramentos. A entrada de Tapia tralo descanso deulle o Celta unha maior consistencia que se viu reflectida no xogo do equipo que comezou mover o balón con soltura e fluidez. 

Co gol de Paciencia (m 63) o encontro semellaba sentenciado. Con todo, unha serie de acontecementos mudaron o transcorrer do encontro. Primeiro, nada máis marchar Paciencia, o Español recortaba as diferenzas por medio de Edu Expósito. E máis tarde a entrada de Mingueza no engadido, para xogar con tres centrais, deriva nun penalti do exbarcelonista a Joselu, que logra o gol do empate.