O Celta convida a Eusebio a facer o saque de honra no partido contra o Valladolid
Eusebio formouse no club pucelano e foi xogador e adestrador do Celta
Eusebio Sacristán foi convidado polo Celta a facer o saque de honra no partido que vai enfrontar o vindeiro domingo ao equipo vigués e o Real Valladolid, conxunto no que comezou a súa traxectoria deportiva.
Eusebio recupérase con lentitude dun traumatismo craneoencefálico que o mantivo en coma inducido durante varias semanas. Agora atópase en tratamento nunha clínica especializada en danos cerebrais.
💯 O primeiro Embaixador do Centenario? alguén moi querido pola afección
— RCCelta100 (@RCCelta100) February 24, 2023
💙 Merecida homenaxe ao noso Eusebio Sacristán
⚽ Fará o saque de honra e recibirá o agarimo da celtismo 🙌#100AnosDeAfoutezaeCorazon
Tanto como xogador (95-97) como adestrador (08-10) Eusebio deixou unha fonda pegada entre os seareiros. Nas dúas facetas amosou a elegancia e profesionalidade que o acompañaron ao longo da súa vida deportiva.
O Celta quere que Balaídos aplauda ao que foi un dos seus referentes e que sinta nestos momentos de dificultade o agarimo de todo o público vigués.
