O Celta agarda reconducir a situación na Liga no campo da revelación

Benítez está convencido de que os datos acabarán cadrando cos resultados, pero, mentres, confía na perseveranza do equipo. E na súa propia traxectoria. 

Tamén confía en Iago Aspas, despois do enfado no cambio contra o Atlético e de chegar á decima xornada sen marcar.

As cuestións arbitrais son outra historia, aínda que Benitez celebra a reunión desta semana de Marian Mouriño co estamento.

O cartón vermello impediralle a Iván Villar xogar contra o Xirona. Tócalle a Guaita ante un equipo que si que comparte moito co City: a mesma propiedade.