O Cangas empata nun final insólito un partido que tiña gañado
O Cangas empata nun final insólito un partido que tiña gañado
O Recoletas logrou empatar practicamente sobre a bucina e despois de ir catro goles por baixo no marcador a falta de dous minutos
O Recolectas Atlético Valladolid sumou un punto de ouro ante o Frigoríficos Morrazo (38-38) nun final de partido insólito, xa que logrou empatar practicamente sobre a bucina e despois de ir catro goles por baixo no marcador a falta de dous minutos.
Xa advertira o técnico local, David Pisonero, de que o rival era "perigoso" e que "ía ir a máis". E quedou constancia diso desde o primeiro minuto, xa que os galegos saíron a dalo todo e impuxeron un ritmo frenético que non puido seguir o Recolectas, que notou, e moito, a baixa de Dimitrievski.
Cando quedaban pouco máis de dous minutos, cun 34-38, o Cangas relaxouse en exceso e os locais, botando man da épica e dunha capacidade de loita a proba de bombas, lograron deixar en táboas o marcador.
38 - Recoletas Atlético Valladolid (16+22): César Pérez (Llorente, ps), Lima (3), Álvaro Martínez (3), D'Antino (6,2p), Miguel Camino (1), Edu Calle (5), De Toledo (6), Pedro Martínez (-), Rosell (-), Freitas (2), Dimitrioski (2,1p), Alejandro Pisonero (4), Pablo Herrero (5), Miguel Martínez (1).
38 - Frigoríficos do Morrazo (20+18): Carvalho (Jorge Pérez, ps), Gayo (6), Toth (3), Dorado (5,2p), Santi López (1), Varela (10), Brandao (2), Andrade (3), Quintas (2), Brais González (5), Simes (1p).
