O BNG compromete o seu apoio á construción dunha depuradora en Barreiros

Na política galega continúan os actos de precampaña. A candidata polo BNG á presidencia da Xunta visitou o concello de Barreiros, un referente, dixo, para a formación nacionalista. Alí escoitou as demandas da alcaldesa en materia de saneamento e depuración de augas. Ana Pontón comprometeu o seu apoio á construción desta infraestrutura que precisa dun investimento de 4 millóns de euros.

"Se son a próxima presidenta o concello de Barreiros contará cunha depuradora para permitir que este concello poida superar este problema grave desde o punto de vista ambiental e que ademais é unha cuestión de xustiza".