O Barcelona confirma a fichaxe da galega Nuria Rábano

A xogadora de Milladoiro Nuria Rábano asinou o contrato que a une ao Fútbol Club Barcelona feminino, o gran dominador da liga española e subcampión da Champions na última temporada. 

Rábano, que comezou a dar os seus primeiros pasos futbolísticos no equipo da súa vila, pasou polo Deportivo e estivo nas últimas temporadas na Real Sociedade, onde se converteu nunha das mellores xogadoras manichas de todo o campionato. 

O Barcelona pousou os seus ollos nela tal como adiantou a Televisión de Galicia. Á fin fíxose oficial o soño de Nuria Rábano e de calquera xogadora de fútbol profesional. Asinar nun dos mellores equipos do mundo.