O aviso laranxa no litoral prolóngase 24 horas máis por temporal de vento do suroeste
O vento en Viveiro superou os 126 km/h
A frota de baixura permanece amarrada na Mariña
Mar picado en todo o litoral galego: nas Rías Baixas, na Coruña e na Mariña, onde nas últimas horas Ribadeo alcanzou os 18 graos, a máxima da comunidade autónoma.
Pero os refachos de vento, que superaron os 100 quilómetros por hora en toda A Mariña, chegaron aos 126 en Viveiro, manteñen amarrada a frota de baixura, ante ondas de ata seis metros.
As lonxas resentíronse, como asegura Jesús Lourido, xerente da Organización de Produtores do Porto de Celeiro.
O vento superou os 80 quilómetros por hora nas montañas de Lugo e Ourense, interior de Pontevedra e nororeste da Coruña, onde peor está o mar. Tanto aire obrigou a desviar un voo de Alvedro á Lavacolla e fixo difícil pasear ou practicar deporte preto do mar.
As temperaturas baixaron ata catro graos do domingo ao luns nalgúns puntos de Ourense e Lugo.
En xeral, seguimos a ter temperaturas agradables para un mes de marzo.
