Dúas tesmuñas din que o mozo de Nerea Añel a maltrataba habitualmente
O noivo, en prisión por delitos menores, é o principal sospeitoso da súa morte
A Fiscalía pediulles aos forenses que amplíen as súas conclusións
Dúas persoas que declararon no xulgado que leva o caso da morte da rapaza ourensá Nerea Añel, aseguráronlle á xuíza que o noivo da moza a maltrataba habitualmente e que foron testemuñas de constantes pelexas.
O noivo, que está ingresado en prisión por outros delitos menores, é o principal sospeitoso da morte de Nerea. A fiscalía pedíulles aos forenses que amplíen as súas conclusións para poder facer unha acusación formal e saber que delitos se lle poden imputar.
Nerea Añel, de 26 anos, desapareceu en xaneiro de 2020. O seu corpo apareceu nove meses despois nun regato dunha aldea abandonada no concello ourensán de Barbadás, con signos de violencia. A última vez que a viron con vida foi preto dun motel da zona, acompañada polo seu noivo.
.png)
