Neyder Lozano deixa o Lugo e vaise cedido ao Talavera

Levaba sen xogar un partido desde a xornada 15, ante o Cartaxena, e non contaba para Fran Justo. Neyder Lozano decidiu marchar do Lugo camiño do Talavera, na Primeira Federación. Vaise cedido ata o final da temporada. 

O central colombiano comezou sendo titular nas seis primeiras xornadas, pero co paso dos partidos perdeu protagonismo. Lembramos que Neyder chegou procedente do Granada, onde encadeou varias lesións graves que o tiveron tres temporadas sen poder xogar case ningún partido.