Netanyahu ordena ataques contundentes en Gaza tras unha reunión de seguridade do seu gabinete
Israel intensifica os bombardeos en Rafah tras a devolución errónea dos restos dun refén
O Exército mantén que o alto o fogo segue en vigor malia os ataques en todo o enclave
O primeiro ministro de Israel, Benxamín Netanyahu, ordenou ao Exército executar de inmediato “ataques contundentes na Franxa de Gaza” despois dunha reunión de seguridade do seu gabinete, segundo informou a súa oficina.
A convocatoria produciuse tras a entrega por parte de Hamas dos restos dun refén que, segundo o exame forense, pertencían a un cativo cuxo corpo xa fora recuperado en 2023.
Unha voceira do Goberno israelí advertiu que o Executivo tomará medidas tras o erro cometido por Hamas ao devolver restos mortais que, segundo o Exército, foran ademais enterrados falsamente nun foxo.
O pasado 19 de outubro, unha presunta escaramuza entre unha unidade da Policía de Hamas e tropas israelís en Rafah derivara nunha onda de bombardeos en toda a Franxa de Gaza, que causaron a morte de máis de 45 palestinos.
A pesar da nova ofensiva, Israel sostén que o alto o fogo segue en vigor.
