Na tenda de Comercio Xusto de Ourense pódese intercambiar roupa para darlle unha nova vida

En Ourense ofrecen unha alternativa solidaria para aqueles que están pensando en renovar o fondo de armario.

Trátase dun intercambiador de roupa de comercio xusto.

Activan esta campaña a comezos de cada estación para darlle unha nova vida á roupa usada.

Non hai cartos de por medio, aquí pódese entregar ou levar as prendas que se queira sen que medie transacción económica ningunha.

Hai roupa para grandes e pequenos, e de feito din que a dos cativos é unha das seccións que mellor funciona.

Queren deste xeito ser unha alternativa á industria téxtil, fomentar a colaboración e prolongar a vida da nosa roupa.