Morre unha persoa e dúas resultan feridas nun accidente de tráfico en Meis
O sinistro produciuse ao chocar dous vehículos
Unha home duns 49 anos morreu e dúas resultaron feridas ao chocaren dous vehículos en Meis na tarde deste venres.
O sinistro ocorreu na estrada PO-531, á altura de Paradela pouco despois das cinco e media.
Por causas que se investigan, un coche sen carné chocou con outro vehículo no que ian dúas persoas.
Ata o lugar desprazáronse Urxencias Sanitarias de Galicia-061, efectivos da Garda Civil de Tráfico e voluntarios de Protección Civil de Meis.
Os medios chegaron rapidamente ao punto e confirmaron que había varias persoas que precisaban atención sanitaria. Dous dos implicados foron evacuados ao hospital. A un terceiro, o condutor do vehículo sen carné, practicáronlle manobras de reanimación no punto.
Urxencias Sanitarias de Galicia-061 mobilizou o seu helicóptero medicalizado con base en Santiago para poder trasladalo.
Pero as manobras de reanimación non deron resultado e só puideron confirmar o seu falecemento no mesmo lugar.
