Morre unha nena por peritonite en Valencia despois de que a levaran tres veces a urxencias
Morre unha nena por peritonite en Valencia despois de que a levaran tres veces a urxencias
Faleceu despois dunha semana de dores abdominais e de vómitos en que acudiu ata tres veces ás urxencias de dous centros sanitarios diferentes
Á cativa enviárona á casa sen facerlle nin unha análise de sangue ou unha ecografía
Os pais denunciarán a Consellería de Sanidade por neglixencia médica
Os pais da menor falecida en Valencia por unha peritonite presentarán denuncia por neglixencia médica.
A pequena sufriu dores abdominais e vómitos durante unha semana. Levárona ata tres veces aos servizos de urxencias sen que detectaran nada grave.
A Consellería de Sanidade de Valencia abriu unha investigación para esclarecer a súa morte.
No concello valenciano onde residía a pequena falecida seguen de loito. Na súa casa, a familia busca respostas.
Enma tiña doce anos. Faleceu despois dunha semana de dores abdominais e de vómitos en que acudiu ata tres veces ás urxencias de dous centros sanitarios diferentes. Faleceu no quirófano por unha peritonite purulenta que lle provocou unha parada respiratoria. Os seus pais presentarán denuncia por neglixencia médica.
O Goberno valenciano lamentou a morte da menor e ordenou a apertura dunha investigación para esclarecer as circunstancias en que se produciu.
