Morre o rei de Noruega Harald V aos 89 anos

O rei de Noruega Harald V, de 89 anos, faleceu este venres ás 6:35, hora local, no Hospital Nacional de Oslo, onde estaba hospitalizado desde hai once días, informou a Casa Real. 

"Con profundo pesar comunicamos que A súa Maxestade o rei Harald faleceu hoxe. O rei Harald faleceu apraciblemente no Rikshospitalet o venres 28 de agosto, ás 06:35 horas", indicou a Casa Real de Noruega nun comunicado, en alusión ao centro médico no que ingresou o pasado día 17 de agosto.

Na súa páxina web, a Casa Real de Noruega publicou un retrato con esa mensaxe e un retrato do monarca falecido.

O pasado 17 de agosto Harald V ingresou no Hospital Nacioal por unha anemia, pero o seu estado agravouse o xoves ao derivar a súa doenza nunha infección no sangue.

O estado de saúde do rei Harald V mantivo en albas desde o xoves á poboación norueguesa e, en Oslo, moitos veciños xa se desprazaran ese día para manifestar o seu apoio ao monarca e para depositar flores fronte ao Palacio Real.

Durante os últimos días, sucedéranse as visitas ao hospital de varios membros da familia. Con el estiveron os príncipes herdeiros Haakon e Mette-Marit e a raíña Sonia, ademais da princesa Marta Luísa, primoxénita dos reis; varios dos seus netos e a princesa Astrid, irmá do monarca.

Harald V xa estivera de baixa varias semanas en febreiro e en marzo debido a unha infección nunha perna que requiriu o seu ingreso nun hospital en Tenerife, onde estaba de vacacións.

O monarca de maior idade de Europa, 89 anos, atravesara distintos problemas de saúde nos últimos anos, con varias hospitalizacións por infeccións de diverso tipo.

A Harald V xa lle extirparan un tumor na vexiga en 2005 e, anos despois, implantóuselle unha válvula no corazón e fora operado tamén dun ligamento no xeonllo.