Morre atropelada nun paso a nivel do tren en Monforte

Atropelo mortal nun paso a nivel de Monforte de Lemos. Por causas que se investigan, unha muller duns 70 anos foi atropelada por un tren de mercadorías que ía en dirección á estación de ferrocarril da cidade do Cabe. Aconteceu á primeira hora da tarde deste xoves.

O tráxico suceso obrigou a cortar o tráfico ferroviario entre Monforte e Ourense durante varias horas. A circulación quedou restablecida contras as seis da tarde.