Morre Adriano Marques de Magallanes, exdeputado e exconcelleiro vigués do PP
Tiña 98 anos e tamén foi empresario e diplomático
Portugués de nacemento, dsenvolveu a súa actividade profesional e pública en Vigo
A súa muller, Rita Regojo, foi a fundadora de Aldeas Infantiles en Galicia
Faleceu en Vigo o empresario e diplomático Adriano Marques de Magallanes. Tiña 98 anos, e foi concelleiro, vicepresidente da Deputación de Pontevedra e deputado do Partido Popular.
Tamén desempeñou o cargo de cónsul de Ecuador en Galicia durante 50 anos e fundou empresas como a téxtil Partenón, que uniforma os corpos de seguridade.
Nacido na localidade portuguesa de Melgaço en 1925, estableceuse en Redondela ao casar con Rita Regojo, a fundadora da oenegué Aldeas Infantiles de Galicia, falecida no 2011.
Marques de Magallanes tiña cinco fillos e será velado no pazo familiar de Petán, en Redondela.
