Publicador de contidos

Publicador de contidos

Montero recórdalle a Díaz os resultados electorais de Errejón cando se presentou sen Podemos

Montero recórdalle a Díaz os resultados electorais de Errejón cando se presentou sen Podemos

Os morados instan a líder de Sumar a pechar un acordo de cara ás eleccións xerais

A ministra de Defensa cualifica Sumar de "proxecto persoal de Yolanda Díaz"

G24.gal 05/04/2023 15:04

A secretaria xeral de Podemos, Ione Belarra, asegura que o seu partido ten "un compromiso férreo coa unidade e agora quen ten que decidir se quere ser a candidata da unidade é Yolanda Díaz".

Podemos insiste en que quere ir ás eleccións xerais en coalición con Sumar, máis dúbidas ven na outra pata, en Yolanda Díaz. Nunha entrevista en Radiocable, Irene Montero, secretaria de Acción de Goberno de Podemos, recordou "como había moitas voces hai catro anos que lle dixeron a Íñigo Errejón que se presentase sen Podemos, que ía ter moi bo resultado electoral. Isto xa o vivimos".

Este mércores tamén escoitamos a opinión doutra ministra, neste caso do PSOE. Para Margarita Robles, titular de Defensa, Sumar "é un proxecto persoal de Yolanda Díaz", pero advírtelle que "nunca ninguén só pode axudar a transformar a sociedade, ese cambio en favor de quen máis o necesita faise co traballo en equipo".

Para o Partido Popular, o lanzamento de Sumar profundiza a división no Goberno. Segundo Alberto Núñez Feijóo, "estamos ante a maior resta dun goberno central nunca ocorrida en España, nunca tantos partidos se dividiron dentro do Goberno".

Publicidade
Publicidade
Publicidade
Publicidade