A edil María Reigosa volve votar co Partido Popular en Lugo
A concelleira renunciou á militancia socialista en xaneiro e segue no pleno como independente
Protagonizou un momento de tensión este xoves co alcalde, o socialista Miguel Fernández
A concelleira luguesa María Reigosa volveu votar este xoves co Partido Popular e en contra do seu propio grupo, o socialista.
O non de Reigosa, que en xaneiro se deu de baixa como militante do PSOE pero mantén a acta no pleno como independente, foi decisivo para rexeitar unha proposta do Goberno local do que formou parte ata hai pouco.
Por 13 votos a 12 a intención dos socialistas de modificar a reforma da residencia de maiores das Gándaras non saíu adiante.
Reigosa e o alcalde lugués, Miguel Fernández, protagonizaron un momento de tensión ao intervir a concelleira sen lle ter concedido o uso da palabra.
