Manifestación en Vilagarcía en defensa da sanidade pública
Piden reforzo de médicos na atención primaria e alertan do risco de privatización do sistema sanitario galego
Centos de persoas maniféstanse a esta hora en Vilagarcía en defensa da sanidade pública.
A protesta convocouna a Plataforma SOS Sanidade Pública do Salnés, e secúndana a maioría dos alcaldes da comarca e numerosos colectivos de diversa índole.
Os manifestantes reclaman máis dotación de persoal para os centros de saúde, que se mellore a calidade da asistencia e atención presencial como claves para resolver os problemas da atención primaria.
E alertan do risco, din, de desmantelamento e privatización do sistema sanitario galego.
Na protesta participou o o secretario xeral do PSdeG, que reclamou máis partidas para sanidade nos orzamentos da Xunta.
