Magnay exercítase co Obradoiro e apunta ao partido do Real Madrid

Will Magnay pasou o recoñecemento médico e xa se adestra baixo as ordes de Moncho Fernández. O pivote australiano xa coñece os seus novos compañeiros e estrearase o vindeiro domingo no Sar ante o Real Madrid.

Magnay, con 2,08 de altura e 24 anos, chega ao equipo compostelán para substituír o lesionado Dragan Bender. O mércores será a súa presentación oficial como novo xogador obradoirista.