Luz Gabás gaña o Premio Planeta 2022 coa novela "Lejos de Luisiana"

A escritora oscense Luz Gabás foi a gañadora do Premio Planeta 2022, que se deu a coñecer este sábado na tradicional gala que organiza a editorial en Barcelona. A autora aragonesa recibirá un millón de euros pola súa novela Lejos de Luisiana.

A obra, que se presentou co título Río arriba e baixo o pseudónimo de Hoja de Fresno, está ambientada a finais do século XVIII nunha colonia francesa que pasa a mans españolas, onde distintas etnias e culturas conviven nun equilibrio difícil. Esa época convulsa serve de escenario para unha historia de amor entre un indio e unha súbdita francesa.

"É unha novela, sobre todo, sobre o esforzo e a fortaleza necesaria para seguir adiante en tempos de incerteza, de enfermidade e de guerra".

Luz Gabás debutou na novela en 2007 co best seller Palmeras en la Nieve, traducida a varios idiomas e adaptada ao cine.

A obra finalista foi Historias de mujeres casadas, da escritora barcelonesa Cristina Campos.