Publicador de contidos

Publicador de contidos

Lula da Silva realiza a súa primeira visita oficial a España tras gañar as eleccións do Brasil

Lula da Silva realiza a súa primeira visita oficial a España tras gañar as eleccións do Brasil

O mandatario reunirase en Moncloa co xefe do Goberno, Pedro Sánchez

 No encontro abordarán as relacións entre os dous países e a coordinación de iniciativas globais como Democracia Sempre ou a Alianza Global contra a Fame e a Pobreza

O presidente do Brasil Luiz Inácio Lula da Silva e o presidente do Goberno Pedro Sánchez, durante a Global Progressive Mobilisation celebrado en Barcelona o pasado mes de abril (Kike Recuncho/Europa Press/Arquvo) O presidente do Brasil Luiz Inácio Lula da Silva e o presidente do Goberno Pedro Sánchez, durante a Global Progressive Mobilisation celebrado en Barcelona o pasado mes de abril (Kike Recuncho/Europa Press/Arquvo)
G24.gal 16/11/2026 07:17

O presidente do Brasil Lula da Silva realiza a súa primeira visita institucional a España case un mes despois de gañar as eleccións presidenciais brasileiras  fronte a Flávio Bolsonaro. No encontro bilateral, ambos os mandatarios abordarán as relacións entre os dous países e a coordinación de iniciativas globais como Democracia Sempre ou a Alianza Global contra a Fame e a Pobreza.

Da Silva pisa terras españolas tras participar no Cumio da Asociación de Nacións do Sueste Asiático (ASEAN). "Cada misión internacional abre oportunidades para fortalecer as nosas relacións e reafirmar o lugar do Brasil no mundo", sinalou nunha publicación en redes sociais.

Na axenda figura unha reunión co presidente do Goberno Pedro Sánchez no palacio da Moncloa, onde abordarán as relacións entre os dous países e a coordinación de iniciativas globais como Democracia Sempre ou a Alianza Global contra a Fame e a Pobreza.

A visita prodúcese pouco despois do XXX Cumio Iberoamericano celebrado en Madrid ao que Lula non acudiu polo cansazo que lle producira a campaña electoral no seu país. A afonía do presidente brasileiro impediralle este luns participar nun acto de campaña no que tiñan previsto intervir ambos os mandatarios

 

Publicidade
Publicidade
Publicidade
Publicidade