Lula acusa a Bolsonaro de "estimular" o asalto
Lula acusa a Bolsonaro de "estimular" o asalto
Afirma nunha comparecencia que os vándalos "fascistas" serán encontrados e castigados e ordena intervir a seguridade de Brasilia
Celebrou unha reunión de urxencia cos seus ministros de xeito virtual desde Araraquara, no estado de São Paulo, onde comprobaba os estragos das chuvias
O gobernador de Brasilia destitúe o secretario de Seguridade Pública tras o asalto bolsonarista ás tres sedes dos poderes do Estado
O presidente do Brasil Luiz Inácio Lula da Silva afirmou este domingo nun pronunciamento que os "vándalos fascistas" que invadiron as sedes do Parlamento, o Supremo e a Presidencia serán "atopados" e "castigados".
Miles de partidarios radicais do expresidente Jair Bolsonaro provocaron o caos este domingo en Brasilia ao invadir e estragar as sedes do Parlamento, a Presidencia e a Corte Suprema.
"Todas as persoas que fixeron isto serán castigadas. A esquerda brasileira ten xente morta, e nunca un partido de esquerda invadiu o Congreso ou o Planalto. Isto non ten precedentes na historia deste país. Imos descubrir quen son os financiadores destes vándalos", dixo Lula.
O presidente acusa a Bolsonaro de "alentar" o triplo asalto ás institucións en Brasilia.
Os gobernadores dos estados brasileiros puxeron as forzas militares estatais á disposición do presidente Lula da Silva por se fosen precisas para conter os manifestantes que ocuparon as sedes do Lexislativo, Executivo e o Xudicial en Brasilia para esixiren un golpe de Estado.
O Supremo avala a intervención federal en Brasilia para responder o asalto ás sedes dos tres poderes do Estado.
