Lanzan dous médicos en paracaídas para atender un caso de hantavirus na illa Tristán da Cunha
O paciente é un pasaxeiro do cruceiro MV Hondius que desembarcara na illa en abril
Tristan da Cuha, no Atlántico Sur, está considerada a illa habitada máis remota do mundo
Novo caso sospeitoso de hantavirus na illa Tristán da Cunha, territorio británico de ultramar situado no Atlántico Sur. O paciente é un pasaxeiro británico do cruceiro MV Hondius que desembarcara na illa en abril.
O Exército do Reino Unido levou a cabo unha operación inédita: lanzou dous médicos militares en paracaídas para atender a persoa infectada co virus. Na operación tamén se enviaron bombonas de osíxeno e material sanitario de urxencia.
Tristan da Cunha, considerada unha das illas máis afastadas, só ten dous médicos para atender unha poboación duns 220 habitantes. A illa non ten pista de aterraxe.
Os pasaxeiros británicos do cruceiro permanecerán en corentena durante 45 días ao regresaren ao Reino Unido.
