Jorge Prado acada a "pole" na Arxentina e comeza á fronte do Mundial
Jorge Prado acada a "pole" na Arxentina e comeza á fronte do Mundial
As clasificatorias outorgan puntos por primeira vez na historia e o lucense ocupa a primeira posición
O galego Jorge Prado (Gas Gas) impúxose na carreira clasificatoria do primeiro grande premio da temporada que se vai disputar na Arxentina. Sairá desde a 'pole' no circuíto Villa La Angostura e converteuse no primeiro líder do Mundial. Desde esta temporada as clasificatorias outorgan puntos para a clasificación xeral.
Tamén lle foi ben ao vigués Rubén Fernández (Honda) que se fixo coa cuarta posición, xusto por detrás do francés de Yamaha Maxime Renaux.
Entre os favoritos para gañar o campionato Seewer tivo que abandonar por unha caída, Herlings non pasou do décimo posto na súa volta logo da lesión e o vixente campión Tim Gajser non pode estar na carreira ao atoparse mancado.
