Jonas Vingegaard asegura o triunfo na Volta gañando en solitario na Bola do Mundo
O danés marchou dos seus rivais pola xeral nos últimos quilómetros da ascensión
Na etapa volveu haber incidentes, cunha sentada no medio da estrada que tiveron que esquivar os corredores
Jonas Vingegaard é xa o virtual gañador da Volta a España que remata mañá en Madrid. O danés asegurou o vermello na penúltima etapa, a última de alta montaña que volveu rexistrar incidentes na subida definitiva á bóla do mundo. Alí, os manifestantes cortaron a estrada tras o paso da fuxida do día, pero os favoritos foron quen de seguir o percorrido e a tirada rematou con normalidade.
Logo de que os fuxidos fosen neutralizados, o UAE tiranba do grupo preparando un presumible ataque de Almeida que non chegou. Vingegaard daba mostras de ir moi forte, e evidenciouno nos quilómetros finais, os da ascensión máis dura á alta montaña de Navacerrada. Alí lanzou o seu ataque e, sen acadar grandes distancias, si se veu axiña que ninguén podería seguilo. Así que Vingegaard gañaba a súa terceira etapa da presente Volta, e aseguraba o maillot vermello que vai portar mañá no paseo triunfal por Madrid.
Por detrás entraban o seu compañeiro Sepp Kuus, o gañador da rolda hai dous anos, e Hindley. Almeida acabou de quinto a 22", e será o segundo clasificado mañá. O podio vaino completar Pidcock, que foi o cuarto na bóla do mundo.
