Iván Villar: "O récord de imbatibilidade é mérito de todos"
Iván Villar: "O récord de imbatibilidade é mérito de todos"
O porteiro de Aldán atendeu o Galicia en goles na zona mixta de Cornellá-O Prat
Segue a boa serie de resultados do Celta e o crecemento individual de moitos xogadores. Os resultados olívicos teñen moitos nomes propios: Aspas, Veiga, Carles Pérez, Aidoo e Iván Villar. O cancerbeiro do Morrazo superou en Cornellá o récord de imbatibilidade que posuía Caballero dende hai catorce anos. Villar falou con Roberto Carlos Carballo na zona mixta.
"Non é mérito meu. É de todo o equipo. Estando ben atrás, diante temos moi bos xogadores. Isto vai de acertos e erros. Hai que seguir traballando. O segredo creo que é no fincapé das tarefas ofensivas e defensivas e traballamos duro para facerlle caso".
Nun encontro moi emotivo, Iván Villar quixo lembrar aos seus e á súa familia.
"A miña nai é un exemplo de vida, estou ledo de nacer onde nacín e todo o que me sucede é para ela e o meu irmán".
