Investigan a un dos condenados polo crime de Samuel Luiz por unha agresión a outro preso
O recluso agredido tivo que ser trasladado ao Hospital Lucus Augusti
Kaio Amaral, no xuizo polo crime de Samuel Luiz. M. Dylan / Europa Press (Arquivo)
Kaio Amaral, un dos condenados polo crime de Samuel Luiz, está sendo investigado por un delito de lesións contra outro recluso da prisión de Monterroso, en Lugo, na que cumpre unha pena de 20 anos e medio por asasinato.
O Tribunal de Instancia de Chantada abriulle un procedemento por un delito de lesións, que se está instruíndo, á espera do ditame da Fiscalía, segundo confirmaron fontes xudiciais a Europa Press.
Amaral tería protagonizou unha pelexa na galería do módulo xunto a outro preso, que tivo que ser trasladado ao Hospital Lucus Augusti (Hula) despois de ser atendido no cárcere.
Trasladado a un módulo de illamento
As mesmas fontes relataron que tras este suceso Kaio Amaral foi trasladado a un módulo de illamento e posteriormente cambióuselle de módulo.
Amaral foi condenado a total de 20 anos e medio, 17 polo asasinato de Samuel Luiz e tres anos e medio polo roubo con violencia do móbil deste, por uns feitos ocorridos na madrugada do 3 de xullo de 2021 no paseo marítimo coruñés.
En concreto, por propinar unha malleira a Luiz xunto aos outros condenados ao pensar un deles que lles estaba gravando cando realmente a vítima facía unha videollamada.
