Interceptan en Cuntis un condutor que circulaba a 146 km/h nun treito limitado a 50

A Garda Civil de Tráfico da Comandancia de Pontevedra interceptou un condutor que circulaba a 146 quilómetros por hora nun tramo limitado a 50 na N-640, ao seu paso por Cuntis.

Segundo informou o Instituto Armado, o radar detectou o vehículo nunha vía onde a velocidade está limitada por un sinal específico.

Os efectivos actuantes detiveron a marcha do turismo e do seu condutor, un home de 34 anos e veciño de Valga, e investigárono por un suposto delito contra a seguridade viaria.

As penas por este tipo de delitos poden incluír prisión e, en todo caso, a privación do dereito a conducir vehículos a motor e ciclomotores entre un e catro anos.