Incendio con dous feridos nun piso de Ponteareas

Dúas persoas tiveron que ser atendidas por inhalación de fume nun incendio que se declarou esta tarde en Ponteareas.

O lume comezou ás catro e cuarto nunha vivenda dun edificio, na rúa Virxe dos Remedios.

Os bombeiros de Ponteareas, Protección Civil e a Policía Local conseguiron rescatar unha persoa que estaba atrapada polas lapas.

O incendio sufocouse deseguida. Polo de agora descoñécense as súas causas.