Incáutanse de 2.855 quilos de droga agochada nos baixos dun camión en Motril, Granada
O camión viaxaba nun buque dende o porto de Tánxer-Med, Marrocos
O condutor, de 57 anos, foi detido por un delito de tráfico de drogas
Máis de 2.850 quilos de droga foron aprehendidos a semana pasada nos baixos dun semirremolque dun camión no porto de Motril. O vehículo proviña de Marrocos.
O seu condutor, un marroquí de 57 anos, foi detido e atribúeselle un delito de tráfico de estupefacientes.
O contedor no que ía a droga xa fora sinalado para inspección polo sistema de análise de riscos da Aduana.
Cando chegou ao porto de Motril, comprobouse o vehículo, que desembarcou dun buque procedente do porto marroquí de Tánxer-Med.
Vixilancia Aduaneira e a Unidade de Análise e Investigación de Fiscal e Fronteiras da Garda Civil do porto de Motril usaron cans do servizo cinolóxico para a inspección, que marcaron os baixos do camión.
Logo, marcaron de novo o interior, polo que descubriron o dobre fondo.
Ao levantar e desmontar a caixa, os axentes descubriron que todo o chan estaba cheo de fardos de haxix, cun peso total de 2.855 quilos.
O condutor foi detido e será posto ao dispor do Xulgado Mixto de Garda de Motril.
