Igualdade presenta a estratexia para loitar contra a violencia machista

O Goberno contará con algo máis de 2.300 millóns de euros para facer fronte ás violencias machistas ata 2025. O Ministerio de Igualdade presentou a estratexia para loitar contra todos os tipos de violencia machista: a que se exerce contra as parellas pero tamén a sexual, a vicaria ou a dixital.

Esta estratexia é como un manual de instrucións, dixo a ministra Irene Montero, en que se ordenan as competencias de cada administración, as distintas responsabilidades ou os instrumentos para facer fronte á violencia machista.