Idiakez: "Vivimos de soñar e estamos moi ilusionados por darlle alegría a xente"

O Deportivo preparou esta mañá o plan de partido deste domingo ante o Barcelona B ao abrigo das lonas no campo tres e púidose escoitar a Imanol Idiakez dando múltiples instrucións aos seus pupilos.

"O que necesitamos o domingo son chupóns, quedo eu con ela (a pelota)" pediu durante un momento do traballo".

Os membros do staff facían do filial culé e o míster explicaba como estes ían xogar e a forma de contrarrestalo por parte dos coruñeses.

Idiákez non ten na cabeza outra cousa que non sexa o ascenso

"Eu soño moito, como ultimamente desvélome, vou maior, vivimos de soñar, que é o máis bonito e estamos moi ilusionados por lograr o obxectivo e dar alegría á xente".