Aspas renova ata 2025 e marca o reto de acadar un título

Iago Aspas seguirá liderando ao Celta ata o ano 2025. O próximo 1 de agosto Aspas fará 35 anos e cando remate esta nova ampliación de contrato cumprirá 38 pero o rendemento e o compromiso do moañés co Celta están fóra de toda dúbida.

O Celta elixiu unha data tan sinalada como é o día de Galicia para anunciar a renovación do seu xogador emblema, do máximo goleador na historia do club. 184 goles en 418 partidos. O príncipe das Bateas xa é o rei do celtismo e nestes tres anos, Aspas quere seguir mellorando esas cifras. Quere liderar un Celta máis ambicioso.