Iago Aspas e Fran Beltrán, Carcamáns por un día

A Peña Carcamáns estaba de celebración. Facía o 25 aniversario e contou con dous convidados de excepción nesa efeméride. Iago Aspas e Fran Beltrán quixeron estar a carón dos seareiros para compartir as súas vivencias. Tamén estivo un veciño da Illa, como o porteiro de Catoira Sergio Álvarez. 

Os Carcamáns estiveron ás boas e ás malas, sempre co Celta, son unha das peñas máis importantes da entidade e no partido contra o Barcelona chegaron a mover case unha ducia de autobuses para estaren en Balaídos e empurrar co seu alento.