Hamas podería disolver o seu goberno en Gaza

Unha fonte de Hamas no Cairo informou este luns a EFE de que a dirección do grupo palestino prevé anunciar a disolución do chamado Comité de Seguimento do Labor Gobernamental, o executivo de facto que administra a Franxa de Gaza desde 2007. 

Segudo esta fonte, que pediu manter o anonimato, a medida busca facilitar a entrada no enclave do Comité para a Administraión de Gaza, un órgano tecnocrático creado no marco do acordo de alto ao fogo polos Estados Unidos para asumir a xestión provisional do territorio. 

As autoridades de Hamas convocaron para ese lus unha conferencia de prensa na que avanzan desenvolvementos significativos, mentres que nos próximos días está previsto que continúen no Cairo as negociacións para desbloquear a segunda fase do acordo. 

O comité de adminstracións, integrado por 15 personalidades palestinas, foi presentado en xaneiro co obxectivo de gobernar e impulsar a reconstrución da Franxa na posguerra. Porén, a súa entrada segue bloqueada debido ás discrepancias entre Hamas e Israel sobre cuestións como o desarmamento do grupo islamista e a retirada das tropas israelís do territorio.