Trump gaña en New Hampshire e reforza o seu liderado no Partido republicano

O expresidente dos Estados Unidos volveu impoñerse este martes nas primarias de New Hampshire e consolida a sía posición como candidato republicano á Casa Branca. Ä espera de coñecer os resultados definitivos, os medios locais sinalan que Donald Trump avantaxa a súa rival, Nikky Haley, en dez puntos. 

Aínda que nas primarias de Novo Hampshire repártense só 22 delegados dos 2.429 que participarán en xullo na Convención Nacional Republicana, onde se erixirá o candidato á presidencia, a contenda era unha importante proba para o poder de convocatoria de Haley.

Rodeado dun grupo dos seus máis ferventes seguidores dentro do partido, Donald Trump  burlouse da súa rival e chamoulle impostora. "Tiña que gañar aquí e perdeu, foi moi moi mal", sinalou o expresidente.

Carolina do Sur, seguinte parada 

Mikky Haley, quen traballou ata 2018 no Goberno de Trump, felicitou ao exmandatario pero advertiu que aínda non se dá por vencida. "Novo Hampshire é a primeira (primaria) da nación, pero non a última", subliñou minutos despois de que os principais medios estadounidenses anunciasen as súas proxeccións. "A carreira está lonxe de terminar. Quedan decenas de estados", apuntou a exembaixadora.

A seguinte parada do proceso de primarias republicano será Nevada o 8 de febreiro e o 24 dese mes en Carolina do Sur, o estado natal de Haley, onde a exembaixadora para a ONU espera tomar impulso.

Biden ve a Trump como rival 

Logo de coñecer a victoria de Trump, a campaña do presidente, Joe Biden, emitiu un comunicado no que o ven como o virtual candidato. Joe Biden, tamén gañou este mércores as primarias do seu partido en Novo Hampshire, a pesar de que non se presentou oficialmente ás mesmas.