Garda Civil e CIAF interrogan o operario do centro de control polo accidente de Urda
Os especialistas da Garda Civil están a auxiliar os técnicos da CIAF, encargados das pescudas para dilucidar as causas do tráxico accidente
Alejandro Martínez Vélez/Europa Press
Axentes da Garda Civil e técnicos da Comisión de Investigación de Accidentes Ferroviarios (CIAF) interrogan o operario do centro de control que regulaba o tráfico da liña do AVE Madrid-Sevilla no momento no que se produciu o accidente entre dous trens que, polo momento, deixou 64 vítimas mortais.
Así o indicaron a EFE fontes próximas á investigación, que precisaron que os especialistas da Garda Civil están a auxiliar aos técnicos da CIAF, encargados das pescudas para dilucidar as causas do tráxico accidente.
O sinistro tivo lugar pouco antes das nove desta mañá cando unha AVE de Renfe alcanzou por detrás a un Iryo que estaba parado á altura do quilómetro 118 desa vía.
