Galicia segue en alerta por choiva intensa, vento e ondas

Galicia continúa baixo o efecto das borrascas atlánticas. Unha fronte moi activa volverá deixar choiva por toda a comunidade autónoma durante o día de hoxe. As precipitacións poden ser especialmente intensas ao oeste. Agárdanse acumulacións de auga por riba dos 40 l/m² ao suroeste e ao oeste da provincia da Coruña.

O vento, do sur, tamén será protagonista. Irá aumentando de intensidade conforme pasen as horas e será moi forte en áreas do litoral e na montaña. Pode superar os 80 quilómetros por hora.

Ante este panorama, Meteogalicia ten activados para hoxe avisos amarelos por choiva, por vento e por ondas superiores a catro metros. Será laranxa na provincia de Pontevedra.