Galicia porá a próxima semana a cuarta dose a inmunodeprimidos

Galicia vai vacinar coa cuarta dose as persoas inmunodepremididas, que son arredor de 20.000, a partir da vindeira semana.

Anunciouno o presidente da Xunta, Alberto Núñez Feijóo, tras a reunión semanal do Goberno galego.

Feijóo tamén avanzou que o comité de expertos clínicos vai reunirse a próxima semana para analizar os datos da evolución da covid e posibles decisións sobre as medidas contra a pandemia aínda vixentes.